- سكنت انا وزوجي وولدي عمره 8 شهور في الغرفة الرومانسية ( طبعا كل غرفة لها اسم ودا شي مره حلو ) - صاحبة المكان وزوجها جدا متعاونين وخدومين . - غلاية ماء في الغرفة وشاي وقهوة وسكر . - الفطور كان على غير عادة كل الفنادق يعني مو بوفيه ، كان الفطور انو تقعدو في طاولتكم وتيجي صاحبة السكن تصبح عليكم وتسالكم قهوة ولا شاي وتبدا تقدملكم الميني بوفيه وتحطو في طاولتكم وهوا عباره عن طبق فيه قطع جبنه ولافتها بشريحة خيار وقطع خبز وداهنتها بخلطة او اي فكره من افكارها بس كلها قطع صغيره صحنين سلطه فواكه وصحنين حلى ولبن زباادي وسله خبز ووفنفس السلة حاطه كيس لأخذ الزايد في حالة الرغبة ، وصحن فيه شرائح لحوم وانا قلتلها احنا مسلمينوسالتني ايش الي تتاكلوه وايش لا علشان من بكره اغيرلكم واليوم التاني عملت اشكال تانيه وزودت الاجبان والخبز وماحطت اللحوم . - حديقة الفندق راااائعه وتجنن وفي كل مكان تلاقي لمسة صحبة المكان الخاصة يعي تحس كانو بيت مو فندق وانا مرة حبيت اعسل في الحديقة ومافي نار في الغرف سمحتلي صحبة المنزل اني استخدم البوتجاز حق مطبخها كان معانا سيارة والفندق 20 دقيقه عن وسط المدينة

Nothing ولا شي